બનાસકાંઠા / પાલનપુર કલેક્ટર કચેરીના બગીચામાં યુવતીની છેડતી, શહેરમાં એક જ દિવસમાં આ બીજો બનાવ
બનાસકાંઠાઃ પાલનપુરમાં ધોળે દિવસે વધુ એક યુવતી સાથે છેડતીનો બનાવ સામે આવ્યો છે. કલેક્ટર કચેરીના બગીચામાં યુવકે યુવતીની છેડતી કરી મોબાઈલ તોડ્યો હતો. ભાગવા જતા યુવકને હોમગાર્ડ સિક્યુરિટીએ પકડી લીધો હતો. યુવકે કલેક્ટર કચેરીના બગીચામાં યુવતીને પકડી તેનો મોબાઇલ તોડી નાખ્યો હતો.
આ પણ વાંચોઃ ડોકટર વૈશાલી જોશી આત્મહત્યા કેસ મામલો, ધરપકડથી બચવા P.I. બી.કે ખાચરે આગોતરા જામીનની અરજી કરીઉલ્લેખનીય છે કે, આજે સવારે એગોલા રોડ પરની સોસાયટીમાં પણ એક મહિલાની છેડતીની ઘટના સામે આવી હતી. પાલનપુરમાં એક જ દિવસમાં બે યુવતીઓની છેડતીના બનાવ બનતા લોકોમાં રોષ ફેલાયો છે.મહત્ત્વનું છે કે, બનાસકાંઠાના પાલનપુરના એગોલા રોડ પર સોસાયટીની મહિલાની જાહેરમાં છેડતી ઘટના સામે આવી હતી. આ છેડતી પાડોશી સોસાયટીમાં રહેતા શખ્સે જ કરી હતી. લોકોએ નરાધમને ઝડપીને પોલીસને સોંપ્યો હતો, ત્યારે શહેરમાં ધોળે દિવસે છેડતીનો વધુ એક બનાવ બનતા લોકોમાં રોષ ફેલાયો છે.
patan live news GJ 24
રિપોર્ટર ગોવાભાઈ આહીર પાટણ